Киирии

Киирии

 СӨ тыатын хаһаайыстыбатын министиэристибэтэ сааскы халааҥҥа бэлэмнэнии үлэтин саҕалаата. Өрөспүүбүлүкэ 75 нэһилиэнньэлээх пуунугар сүөһүнү быстах кэмҥэ тутар сири бэлэмнииллэр.

Биэдэмистибэ иһитиннэрбитинэн, былырыын 500 кэриҥэ сүөһү ууга былдьаммыт. Халаан уута Саха сирин 47 тыһыынча олохтооҕун хаарыйара сабаҕаланар. Нэһилиэнньэ көһөр түбэлтэтигэр, 30 тыһыынча киһиэхэ анаан 272 олорор сири бэлэмниэхтэрэ.

Өрөспүүбүлүкэ баһыйар үгүс өттүгэр уу саппааһа хаар уулуннаҕына, 70-110%-ҥа тэҥнэһэр диэн уу ресурсаларыгар Федеральнай ааҕыныстыба Өлүөнэ өрүс бассыайынынааҕы ууга салалтатыттан иһитиннэрдилэр.

Хаар ордук халыҥнык (110-160%) соҕуруу, Өймөкөөн уонна Үөһээ Халыма улуустарын сорох сирдэригэр түспүтэ.

Тарҕат:

Комментарии

Защитный код Обновить

Бүтэһик сонуннар