Ленскэй оройуонугар Мухтуйка үрэххэ соҕотох сылдьар кубаны туттулар. СӨ ветеринария департаменын пресс-сулууспата иһитиннэрэринэн, кубаны мууска сылдьарын туппуттар.
Көтөрү быстах кэмҥэ олохтоох киһи сарайыгар хаайбыттар. Бэтэринээрдэр көтөрү көрдүлэр. Туруга кэминэн, кынатыгар кыра баастаах эбит. Дьиэлээх хаһаайын этэринэн, көтөр олус чуумпу, бэйэтигэр дьону чугаһатар уонна тугу барытын сиир эбит. Быһа холоон икки саастаах буолуон сөбүн быһаардылар.
Эдэр куба сэниэтэ эстэн үөрүттэн хаалбыт буолуон сөп диэн сабаҕалыыллар. Көтөрү “Живые алмазы Якутии” диэн Мииринэйдээҕи зоопарка ылыах буолбут.
