Войти

Войти

Мииринэй улууһугар “Иреляхское” АУо турбата тоҕо баран ньиэп тоҕунна. Экология министиэристибэтэ иһитиннэрбитинэн, билигин улууска ыксаллаах-быһыы майгы биллэриллибит.

Тоҕо барбыт турба НГДУ “Восточная Сибирь” тэрилтэ гиэнэ. Эспердэр этэллэринэн, ньиэп Мииринэй куораттан чугастыы сытар бэрт улахан сиргэ тайаабыт. Исписэлиистэр турба сир аннынан тоҕо барбыт буолуон сөп диэн сылыктыыллар.

Саахалы туоратыыга уонна кээһэниини чөлүгэр түһэриинэн “Восточная Сибирь” тэрилтэ дьарыктанар. Экология министиэристибэтин исписэлиистэрэ материальнай уонна экологическай хоромньуну ааҕаллар. Миниистир Сахамин Афанасьев административнай силиэстийэ барарын иһитиннэрэр. Исписэлиистэр ньиэп төһө сиргэ тохтубутун чуолкайдыыллар, пробаны ылаллар. Ол кэннэ буруйдаах хампаанньаны эппиэккэ тардыахтара.

Мииринэй улууһун дьаһалтаын пресс-сулууспата “билигин биһиэхэ инвесиция форума буола турар, онон ити саахал туһунан тугу да этэрбит суох, аныгыс нэдиэлэҕэ эрийээриҥ” диэтэ.

Тарҕат:

Комментарии

Защитный код Обновить