От ыйын 2 күнүгэр Ленскэй оройуонугар күүстээх тыаллаах, этиҥнээх ардах түһэн, 16 уот линията алдьаммыт уонна 35 остуолба сууллубут. Инньэ гынан, 13 300 киһи уота суох олороллор.
“Бэҕэһээ киэһэ 11 уот линията оҥоһулунна. Бүгүн 5 линия оҥоһуллар. Билигин 2450 киһи уота суох олороллор. Үлэ күнэ бүтүөр диэри бары кыһалҕалар быһаарыллыахтаахтар”, – диэн оройуон дьаһалтатын үлэһитэ Евгений Каражелеско билиһиннэрэр.
