Киирии

Киирии

Атырдьах ыйын 7 күнүгэр Сунтаар улууһун Кириэстээҕэр, Соколинайга алмаас булуллубута 70 сыла туолар. 1949 сыл атырдьах ыйын 7 күнүгэр, Кириэстээх “Арыы Чайыттан” 22 алмаас кыырпахтарын булбуттара. Ол таастары геолог Григорий Файнштейн бэрэмэдэйигэр уктан, Дьокуускайга Саха АССР ССКП уобаластааҕы кэмитиэтин иккис сэкэрэтээригэр В.Лямовка туттарбыта.

Бу бытархай таастары Москубатааҕы Гохран кичэллээхтик харайбыта. Онон Саха сирин олохтоохторун дьылҕатыгар улахан суолталаах кэрдиис кэм буолар. Биллэрин курдук, 2009 сыллаахха Саха сирин бырабыыталыстыбата, уопсастыбаннаһа, Мииринэй оройуона бу бэлиэ кэми бэлиэтииргэ түбүгүрэллэрин наадалааҕынан аахпатахтара.

Соторутааҕыта мин Кириэстээх нэһилиэгин дьаһалтатын кытары сибээстэһэн, баһылыгы солбуйааччы Владимир Гаврильевтан “Саха сирин бастакы алмаастарын арыйыы үбүлүөйүн бэлиэтиигит дуо?” диэн токкоолостум. Ону Владимир Гаврильев 70 сыллаах үбүлүөй булгуччу бэлиэтэниэ диэн санаабын эрэҥкэдиттэ. Кини миэхэ эппитинэн, улахан үбүлүөй боппуруоһунан Кириэстээҕи Саха сирин бастакы алмаастарын түмэлин төрүттээччи Марфа Конобулова анаан-минээн дьарыктана сылдьар. Соҕурууттан кырдьаҕас геологтар, Соколинайга, Орлинайга, Рыбачайга уо.д.а эспэдииссийэ чинчийэр-тургутар учаастактарыгар үлэлээбит дьон кэлэллэрэ былааннанар. Бэлиэ күн атырдьах ыйын саҥатыгар буолуохтаах. Бу үбүлүөйү                  Өрөспүүбүлүкэ өйүө дуо? Бу сайыны быһа Саха сиригэр алмаастан үбүлэнэр ньиргиэрдээх бырааһынньык эгэлгэтэ, оонньуу-көр, күрэхтэһии арааһа ыытылынна. Оттон Кириэстээххэ Саха сирин бастакы алмаастарын ыытыыга туһулаан, былаастар көх-нэм буолуохтара дуо?

eidaaan

128 баартыйа каюра Уйбаан Павлов – Күүстээх Уйбаан

amakinkageologtara

Амакинка геологтара

bylyyerys

Бүлүү өрүс

kuruecteexdalbarxotyttara

Кириэстээх далбар хотуттара

kiinyylycca

Кириэстээх киин уулуссата

oloxtooxtorbylyyerys

Кириэстээх олохтоохторо

yryahytdanilov

Кириэстээх олохтооҕо ырыаһыт Данилов

 Станислав Алексеев, Мииринэй куората.

 

    

 

 

Тарҕат:

Комментарии

Защитный код Обновить