Киирии

Киирии

Бу туһунан СӨ бырабыыталыстыбатын бэрэссэдээтэлин солбуйааччы Кирилл Бычков, Japan Greentea корпорация салайааччытын Дайтаро Китадзиманы кытта көрсүһүүгүгэр этилиннэ. Бу туһунан бырабыыталыстыба пресс-сулууспата иһитиннэрэр.

Ааспыт сыл ахсынньытыгар Ил Дархан Айсен Николаев Японияҕа сырыытын түмүгүнэн, кучу чэйи Дьоппуоҥҥа таһаарар туһунан сөбүлэһиини “Саха чай” хампаанньа ситистэ.

Биһиги хампаанньабыт 1962 сыллаахха дьоппуон чэйин тас дойдуларга таһаарар уонна үгэстэри илдьэ сылдьар сыаллаах тэриллибитэ. Билигин биһиги үлэбит хайысхата биллэ кэҥээтэ. Биһиги атын дойдулартан эксклюзивнай бородууксуйаны киллэрэн эрэбит. Саха сирин килиимэтэ манна үүнэр окко-маска сөптөөх усулуобуйаны олохтуурун бэлиэтиир тоҕоостоох. Мин “Саха чай” хампаанньа базатыгар сылдьан хомууртан саҕалаан оҥорон таһаарыыны барытын билистим. Көрсүһүүгэ ыҥырыллыбыт биологическай билим дуоктара үүнээйилэр туһаларын бигэргэттэ. Ол курдук, олус элбэх С битэмииннээхтэр, антиоксиданнаахтар уонна кофеиннара суох. Биһиэхэ билим бигэргэтэрэ олус наадалаах. Тоҕо диэтэххэ, Дьоппуон сиригэр тарҕатар былааннаахпыт. Биһиги бэйэбит пестицидтэр уонна да атын   химическэй эттик баарын-суоҕун бэрэбиэркэлиир чинчийиини ыытыахпыт. Тус бэйэм түмүк үчүгэй буоларыгар эрэллээхпин”, — диэн Дайтаро Китадзима кэпсээтэ.

Кирилл Бычков юридическай боппуруоска хампаанньаларга туһааннаах көмөнү Өрөспүүбүлүкэ экспортын өйүүр уонна инвестициялыыр ааҕыныстыба оҥоруо диэн эттэ.

“Саха чай” хампаанньа салайааччыта, “Якутия” технопарка резиденэ Нюргуяна Заморщикова өрөспүүбүлүкэ салалтатыгар урбаанньыттары өйүүллэрин иһин махталын тиэртэ.

Биһиги атын эрэгийэннэртэн кучу чэйи оҥорооччулары кытта куруук билсэ олоробут. Кинилэр биһигини хайдахтаах курдук өйүүллэрин көрөн олус ымсыыраллар. Биһиэхэ Дьоппуонтан уонна Кытайтан улахан интэриэс баарын билэбит. Бу барыта өрөспүүбүлүкэ салалтатын кытта ыкса үлэлээһин түмүгэ буолар”, –диэн Нюргуяна Заморщикова эттэ.

News.Ykt.Ru

Тарҕат:

Комментарии

Защитный код Обновить

Бүтэһик сонуннар