Киирии

Киирии

Өрөспүүбүлүкэ ойуур баһаарын умулларыыга аналлаах тиэхиньикэлэринэн хааччылларыгар федеральнай бүддьүөттэн эбии 68 мөл солк ылыаҕа. Үбүлээһин “Экология” национальнай бырайыак иһинэн көрүллэр. Бу туһунан эрэгийиэннээҕи экология министиэристибэтин миниистири бастакы солбуйааччы Алексей Агеев ТАССка иһитиннэрдэ.

Ойуур баһаарын умуорууга аналлаах тиэхиньикэлэри атыылаһыыга эбии 68 мөл солк көрүлүннэ. Биһиэхэ ДТ-75, МТЗ-82 тыраахтардар уонна МТ-ЛБ вездеход массыыналар тиийбэттэр”, – диэн Агеев кэпсээтэ.

Саха сирэ бэс ыйыгар “Экология” национальнай бырайыак көмөтүнэн 28 тиэхиньикэни уонна 85 мөл солк үбү ылбыта. Бульдозер, трал курдук ыарахан тиэхиньикэлэр номнуо кэлэн, ойуур баһаара ордук тарҕаммыт   оройуоннарыгар анаммыттар.

“Экология” национальнай бырайыак биир хайысхатынан ойууру харыстааһын буолар. Өскөтүн 2018 сыллаахха Арассыыйаҕа 60% кэрдиллибит уонна өлбүт ойууру чөлүгэр түһэрбит эбит буоллахтарына, 2024 сыл бүтүүтэ бу көрдөрүү 100% тиийиэхтээх. Чөлүгэр түһэрии иэнэ 1,55 мөл га диэри улаатыахтаах. Онуоха ойуур баһаарыттан хоромньу үс төгүл кыччаан 32,5 млрд – 12,5 млрд солк буолуохтаах.  

 ТАСС

Тарҕат:

Комментарии

You have no rights to post comments