Экология министиэристибэтэ “Саха сиригэр баһаардарынан сибээстээн, сайыҥҥы-күһүҥҥү булт кэмин көҥүллэнэр болдьоҕун көһөрөллөр” диэн сурах сымыйа дойҕох буоларын туһунан биллэрэр.
Министиэристибэ ити сураҕы “ити барыта сымыйа” диир. КЧС мунньаҕар ойуур уотун тула кэпсэтэллэригэр булт көҥүлүн туһунан отой да таарыйбатахтар. Инньэ гынан, сайыҥҥы-күһүҥҥү булт кэмин болдьоҕо оннунан хаалар. Атырдьах ыйын 1 күнүттэн кыыл табаҕа, чубукуга, тыатааҕыга булт саҕаламмыта. Оттон атырдьах ыйын 17 күнүттэн куска сааланар көҥүллэммитэ.
