Киирии

Киирии

Кириэстээхтэн Мииринэй диэки паромынан туорааччылар Бүлүү биэрэгин бөх сүөккүүр, тахсан киирэр миэстэ оҥорбуттара көрүөххэ сүөргү.

Онто да суох, Бүлүү өрүс уута, бу күннэргэ соччото суох көрүҥнээх. ГЭС диэкиттэн күөх ньамахтаах уу кэллэ. Биллэн турар, ууну Эбэттэн баста сатаабаттар. Муоста да, таҥас да сууйарга барсыбат кирдээх уу.Эбиитин, паромы күүтээччилэр, өрүс кытылын бөх быраҕан ааһар сир оҥорбуттар. Олохтоохтортон, сүрэхтээхтэрэ-бэлэстээхтэрэ, дьоҕойон, хомуйа сатыыллар эбит да, хас да сиринэн, кытылга, бөх чөмөхтөрө улааттар улаатан иһэллэр. Өрүс хаҥас кытылыгар туалет эҥин диэн суох. Онон, ааһан иһээччилэр кытылга чохчойоллор. Сатаатар кинилэри туох да бүөлээбэт. Дьаабы дьыала.

Куһаҕана диэн, ааһан иһэр дьон холлубут миэстэлэригэр кэлин оҕолор оонньууллар. Дьэ, мөкү быһыы диэтэҕиҥ. Маны, олохтоох былаас хайдах эмит гынан быһаарыан наада буолсу.

Станислав Алексеев. Мииринэй-Сунтаар. Ааптар хаартыската.

Тарҕат:

Комментарии

Защитный код Обновить