Киирии

Киирии

Сайыммыт барахсан бүтэһик күннэригэр араас соһуччу түгэннэри тосхойор. Ол курдук бүгүн эбиэттэн киэһэлик Бөтүҥ нэһилиэгэр күүстээх ардах кэнниттэн муус тобурах түһэн ууга-уокка түһэрдэ. 

Бастаан ардах түһэн саҕалаабыта. Онтон эмискэччи баҕайы сир ньуура маҥхайан хаалбыта. Тахсан көрбүтүм, аны тобурах түһэн эрэр эбит. Балайда улахан төгүрүктэр. Сибэккилэр да, бытархай да оҕуруот хата туох да буолбатах курдуктар“, – диэн кэпсээтэ олохтоох Айлана Сивцева.

Тобурах 10-ча мүнүүтэ түспүт. Онтон эмиэ кыратык ардахтаан баран, билигин кыраһыабай кустук тахсыбыт.

Тобурах билиҥҥэ диэри ууллубакка сытар. Таһырдьа 20-чэ кыраадыс сылаас турар. Кэнники кэмҥэ айылҕа маннык соһуччу көстүүлэрэ элбээтилэр. Бу барыта күн-дьыл уларыйар эрэринэн сибээстээҕэ дуу. Ватсабыынан бу күннэргэ дьон тэллэйдии сылдьан ньургуһун үүммүтүн түһэрэн ыыппыттара.

“Амма олоҕо” хаһыат, ulus.media/

Тарҕат:

Комментарии

Защитный код Обновить