Киирии

Киирии

Дьокуускайдааҕы айылҕаны харыстыыр прокуратура “Орто Дойду” зоопаркаҕа үрүҥ эһэлэри иитиигэ ветеринарнай сокуону төһө тутуһалларын бэрэбиэркэлээтэ. Бу туһунан СӨ прокуратуратын пресс-сулууспата иһитиннэрэр.

“Орто Дойду” өрөспүүбүлүкэтээҕи зоопарка үрүҥ эһэлэргэ ветеринарнай докумуона суох аһылыгы ылбыт. Ону таһынан, эһэлэргэ иирииттэн утары быһыыны биэрбэтэхтэр. Эндопаразиттары, гельминнары бэрэбиэркэлиир лабораторнай чинчийиини ыытыллыбатах.

Зоопарка үлэһиттэрэ үрүҥ эһэлэр вольердарын дезинфекциялыыр, дезинсекциялыыр, дезинвазиялыыр аахталары көрдөрбөтүлэр”, – диэн пресс-сулууспа үлэһиттэрэ бэлиэтииллэр.

Дьокуускайдааҕы айылҕаны харыстыыр прокуратура зоопарка дириэктэригэр көрдөрүү түһэрбит. Билиҥҥи туругунан баар кэһиллиилэр туоратыллыбыттар, икки дуоһунастаах киһи дьиссипилиинэ эппиэтинэһигэр тардыллыбыт.

Ону таһынан, прокуратура көҕүлээһининэн зоопарка дириэктэрэ уонна юридическай сирэй административнай эппиэтинэскэ тардылыннылар уонна ыстарааптаннылар.

 News.Ykt.Ru

Тарҕат:

Комментарии

Защитный код Обновить