Ааспыт сыл сайыныгар Дьааҥы улууһугар олохтоох дьон тайах оҕотун булан, Бээчэ диэн ааттаан сыл курдук тэлгэһэлэрин иһигэр ииппиттэрэ. Ол туһунан элбэхтик суруллубута.
Кулун тутар 30 күнүгэр Бээчэни көҥүлгэ ыыппыттара. Тайахха спутниковай радиоошейник кэтэрдибиттэр. Икки ый курдук тайах ханна сылдьарын көрдөрөр сигналы тута олорбуттар. Ол кэнниттэн сигнал биир эрэ сири көрөдөрөр буолбут. Инньэ гынан, тайах өлбүт эбэтэр ошейнига түһэн хаалбыт буолуон сөп диэн сабаҕалаабыттар.
От ыйыгар улуустааҕы инспекция үлэһиттэрэ метеорологтары уонна уопсастыбаннай инспектордары кытта икки күн көрдүүр үлэни ыыппыттар.
Атырдьах ыйын 1 күнүгэр Бээчэ метеорологтарга бэйэтэ тиийэн кэлбит. Ол кэнниттэн метеостанцияҕа сотору-сотору кэлэр буолбут.
