Киирии

Киирии

Социальнай ситимнэринэн, бассаабынан Тулагыга кытайдар сир ылан үлэлии сылдьалларын туһунан киэҥник тарҕанна.

“Кангалассы” Индустриальнай пааркаҕа иһитиннэрбиттэринэн, ТОР резиденэ — “Цзиньхайтун-Керамика” ААУо Киллэм таһыгар туой буору хостооһунан дьарыктанар, онуоха туох баар көҥүллүүр докумуоннардаах эбит. Ити карьер урутаан сайдар территория буолбатах, онно туойу хостуурга лиссиэнсийэни тэрилтэ бу дьыл кулун тутар 18 күнүгэр ылбыт. Лиссиэнсийэ быһыытынан, кытайдар ити карьерга 2039 сыл кулун тутар 1 күнүгэр дылы үлэлиир бырааптаахтар. Онуоха туһааннаах лиссиэнсийэни СӨ Бырамыысалыннаска уонна геологияҕа министиэристибэтэ уопсай аукцион быһыытынан биэрбит. Хостоммут туойу кирпииччэ оҥорорго туһаналлар. Ити карьер аттыгар атын тэрилтэлэр кумаҕы хостууллар эбит.

1

Кытайдар ТОР резиденинэн (онуоха араас чэпчэтиилэр, нолуоктан босхолонуу көрүллэр) былырыын сайын буолбуттар. Кинилэр резидент быһыытынан хамсаабат баай, сир уонна барыс нолуоктарыттан босхолоноллор. Маны таһынан НДС толуйуута оҥоһуллуон сөп, омук үлэһиттэригэр араас чэпчэтиилэр көрүллэллэр, чэпчэтиллибит сыананан инфраструктураны тутуохтарын сөп. Бу сайын ити хампаанньа тэлгэһэ нөҥүө кирдээх ууну ыытан сэмэлэммитин санатабыт. Маны таһынан ТОР чугаһыттан сири дьөлө үүттээбиттэрэ биллибитэ. Бу хампаанньа генеральнай дириэктэрэ Чан Цзиньхай өссө икки хампаанньаны бас билэр эбит: “Цзиньхайтун Дальний Восток” Соҕуруу Саха сиригэр үлэлииргэ сананар, кини Дьокуускайга Глухой переулокка бэлиэтэммит. Маны таһынан “Цзиньхайтун-Золотосервис” тэрилтэтэ Аллараа Кураанахха бэлиэтэммит. Кинилэр Алдан улууһугар көмүһү хостуур былааннаахтар.

Тарҕат:

Комментарии

Защитный код Обновить