“Нера” ХЭУо диэн көмүс хостуур тэрилтэ Өймөкөөн улууһугар Аччыгый Дэлэгэннээх уонна Спартак диэн үрэхтэри киртиппитэ биллибит. Бу туһунан өрөспүүбүлүкэ борокуратууратын пресс-сулууспата иһитиннэрэр.
“Тэрилтэ тулалыыр эйгэни харыстыырга ирдэнэр дьаһаллары ылымматаҕын түмүгэр, уу хаачыстыбата мөлтөөбүт, ууга тимир, алтан, цинк нуормалара кэһиллибиттэр. Маны таһынан, бэрэбиэркэ түмүгүнэн, ойуурга баһаар быраабылатын кэһии тахсыбытын булбуттар”, - диэн биллэрдилэр.
Саха сиринээҕи айылҕа харыстабылын борокуратуурата “Нера” тэрилтэҕэ уонна 8 дуоһунастаах киһиэхэ административнай дьыаланы тэрийдэ. Ол түмүгүнэн уопсайа 290 тыһ. солк. ыстырааптаннылар.
