Үүнэр 2020 сыл кырыыса сыла буолар. Бу кыылы сөбүлүүр киһи ахсааннаах буолуохтаах. Оттон ыраах Индия дойдутугар Раджастан ыстаатыгар Дешнок диэн дэриэбинэҕэ, Карни Мата храмыгар 20 тахса тыһ кырыыса баар эбит.
Манна хас күн аайы таҥараһыт дьон кэлэллэр. Оҕолонуон баҕарар дьахталлар, ыал буолар баҕалаах дьон, ыччат оннооҕор оҕолор сылдьаллар. Кинилэр айыыһыттар кырыыса буолан төрүүллэр диэн итэҕэйэллэр эбит. Ол иһин, бу үөннэри көрөллөр-истэллэр, аһаталлар, таптыыллар уонна олох өлөрбөттөр, тыыппаттар. Салгыы Сергей Строителев түһэрбит хаартыскаларын көрүҥ.
