Индигиркэ өрүс кытылыттан былыргы үйэтинээҕи ыт оҕотун өлүгүн буллулар. ДНК-тест түмүгүнэн өлүк 18 тыһ сыл саастаах.
Ыт оҕотун өлүгүн ааспыт сайын Шведскэйдээҕи палеогенетикэ киинин уонна Арассыыйатааҕы хотугу прикладной экология институтун исписэлиистэрэ булбуттар. Өлүк ирбэт тоҥ сиригэр сыппыт буолан бүтүн хаалбыт. Холобур, ньирэй тиистэрэ, бытыктара оннооҕор кылама кытта баар.
Учуонайдар ДНК-тест көмөтүнэн ыт икки ыйдааҕар өлбүтүн быһаардылар. Ол эрэн, туохтан өлбүтүн кыайан быһаарбатылар. Ону таһынан, былыргы эбэтэр билиҥҥи бөрөлөргө сыһыаннааҕа эмиэ үчүгэйдик биллибэтэ. Ол да буоллар, чинчийээччилэр аныгы кэмҥэ булуллубут саамай былыргы үйэтинээҕи ыт буолар диэн бэлиэтииллэр.
Эволюционнай генетика профессора Лав Далена этэринэн, чинчийии сүрүн кыһалҕата ыт оҕото көрүҥҥэ арахсар кэмигэр өлбүтэ буолар. “Бөрө уонна ыт көрүҥ быһыытынан 15-40 сыл анараа өттүгэр арахсыбыттар”, – диэн быһаарар. Ол иһин, ыт оҕотун өлүгүн чинчийии салҕанар.
