Войти

Войти

Дьокуускайга номнуо үһүс төгүлүн “Экофест. Раздельный сбор 3.0” диэн экологическай аахсыйа ситиһиилээхтик ыытылынна. Бу туһунан куорат дьаһалтатын пресс-сулууспата иһитиннэрэр.

Аахсыйаҕа 2500 тахса куорат олохтооҕо көхтөөхтүк кытынна. Уопсайа 8 туонна бөх хомулунна. Ол иһигэр куорат оскуолаларыгар ыытыллыбыт “Эконэдиэлэ” чэрчитинэн 4,5 туонна бөх хомуллубут.

Тэрээһин кэмикэр экология кыһалҕаларын туһунан документальнай киинэлэри көрдөрдүлэр. Экосуумкалары тигиигэ маастар-кылаастар ыытылыннылар. Ону таһынан, улахан дьоҥҥо уонна оҕолорго квест-оонньуулар буоллулар. Холобур, баскетбол уонна футбол оонньууга мээчик оннугар былаастык бытыылканан,  боруота оннугар бөх корзинатынан оонньоотулар. Кэлбит дьон наадыйар дьоҥҥо таҥас-сап туттардылар.

Биһиги аахсыйабытыгар дьиэ кэргэнинэн кыттар буолбуттара олус кэрэхсэбиллээх. Бу кыһалҕаны дьон өйдөөн, оҕолоругар тиэрдэ сатыыллара тоҕоостоох. Бу инникитин үчүгэй түмүктээх буоларыгар итэҕэйэбин. Биһиги партнердарбыт хортуону, кумааҕыны, былаастык бытыылкалары атын куораттарга, холобур, Хабаровскайга, Благовещенскайга ыыталлар. Дьокуускайга тротуар билииккэтин уонна итиини тутар тэрили оҥорор икки тэрилтэ баар. Биһиги аахсыйабытыгар хомуллубут бөх иккистээн тутуллар, онон туох да сыбаалкаҕа барбат”, – диэн тэрийээччи, урбаанньыт Ирина Матвеева кэпсиир.

Экологическай аахсыйа үгэскэ кубулуйуоҕа. Кыбаарталга биирдэ ыытыллар буолуоҕа.

news.ykt.ru/

Тарҕат:

Комментарии

Защитный код Обновить