Войти

Войти

Нерюнгри оройуонун Иенгра бөһүөлэгэр баар “Золотинка” кыылы иитэр пиэрмэ көрдөрүүтэ тупсубут. Ол курдук, судаарыстыба көмөтүнэн бүтэһик сылларга материальнай-тэхиньиичэскэй базата саҥардыллыбыт, хара саһыл ахсаана элбээбит. Инникитин кииһи иитии былааннанар.

Пиэрмэ ааспыт үйэ ортотугар тэриллибит. Бастаан 60 тыһы уонна 15 атыыр саһыллары көрбүттэр. 2003 сыллаахха племенной хаһаайыстыба буолбут. Хара саһыл  ахсаанынан өрөспүүбүлүкэ үрүдүнэн иккис миэстэҕэ сылдьар. Ол курдук, билигин уопсайа 400 төбө саһыл баар. Олортон 325 тыһы уонна 75 атыыр.

Ил Дархан Айсен Николаев Нерюнгри оройуонугар сылдьан “Золотинка” пиэрмэ үлэтин-хамнаһын билистэ, үлэһиттэри кытта кэпсэттэ. Пиэрмэ дириэктэрин солбуйааччы Ньургун Владимиров Ил Дархаҥҥа өйөбүл иһин махтанна.

Ааспыт сыллаахха  пиэрмэ, оройуон дьаһалтата уонна  Арктика  министиэристибэ үс өрүттээх сөбүлэҥи түһэрсэннэр, тимир килиэккэлэр, мас сарайдар тутуллубуттар. Онон саһыл ахсаана 200-тэн 400-кэ диэри элбээбит.

Өрөспүүбүлкэтээҕи бүддьүөттэн субсидия көрүллэн аспыт сыл бүтүүтэ кыыллар аһыыр сирдэрэ оҥоһуллубут. Ону таһынан, аһылыктарын харайарга 40 туонналаах контейнер, кыра тыраахтар, эт эрийэр, буккуйар, быһар тэриллэр ылыллыбыттар. Онон кыыллар аһыыр астара тупсубут. Ол курдук, куурусса, эт, балык, эбии аһылык сииллэр. Онон түүлэрин хаачыстыбата тупсар.

Кииһи иитиини сайыннарыыга  тыа хаһаайыстыбатын министиэристибэтэ, Нерюнгри оройуонун дьаһалтата уонна “Золотинка” пиэрмэ “Савватьева” диэн Арассыыйатааҕы боруода кыыл собуотун кытта түөрт өрүттээх сөбүлэҥ түһэрилиннэ.  Бу Тверской уобалаһыгар баар собуоттан былырыын 30 кииһи аҕалбыттар. Билигин былааҥҥа киис ахсаанын элбэтэн производственнай таһымҥа тахсыы турар.

yakutia24.ru/

Тарҕат:

Комментарии

Защитный код Обновить