Мэҥэ Хаҥалас улууһун Е.Д. Кычкин аатынан Матта орто оскуолатыгар, 600 голландскай тюльпаны олордон үүннэрбиттэр. Бу туһунан СИА-ҕа оскуола үлэһитэ Мария Замятина кэпсээбит.
Ол курдук ааспыт сыл ахсынньытыгар 600 умнаһы үлэһэн ылан олордубуттар. Тохсунньу 25 күнүгэр бастакы сибэккилэр тахсыбыттар. Мария Замятина кэпсииринэн, бастакы сибэккилэри Тапталлаахтар күннэригэр, Мэҥэ Хаҥалас улууһа төрүттэммитэ 90 сылынан бэтэрээннэргэ бэлэхтээбиттэр. Хаалбыт сибэккилэр Аан дойду дьахталларын күнүгэр атыыланаллар. Марияҕа 5-с кылаас үөрэнээччилэрэ күүс-көмө буолаллар эбит. Оҕолор роза сибэккиттэн саҕалаан тропическай үүнээйилэргэ тиийэ үүнэр оранжерея оҥорор былааннаахтар. Бу бырайыак ороскуотун номнуо сабан барыс киллэрэр буолбут. Онон киирбит үбү оскуола сайдыытыгар туһанар былааннаахтар.
