Горнай улууһун Өрт сэлиэнньэтин туһаайыытыгар, сардсыарда 9 ч саҕана, Хаар Балаҕан эбэҕэ уу таһыма 2 м 58 см этэ. Бу гидрология поһугар кутталлаах таһым, усулуобунайынан – 2 м.53 см. Онон Солоҕон нэһилиэгин баһылыгын 03.04.2020 с. дьаһалынан, бөһүөлэккэ “Ыксаллаах быһыы-майгы” эрэсиимэ биллэрилиннэ.
Билиҥҥи туругунан, 5 кыбартыыралаах олорор дьиэ тиэргэнэ ууланна. Бу манна 30 киһи олорор, ол иһигэр 10 оҕо. Ону таһынан ДьУоХХ ГУП Горнайдааҕы киин хочуолунайа, Успуорт саалата (туалет), Элбэх хайысхалаах култуура-дьаһалта киинэ (туалет) ууга барбыттар.
Балаһыанньа уустугурар түбэлтэтигэр тустаах дьиэлэр олохтоохторун уу ылбат дьиэлээх аймахтарыгар көһөргө бэлэм олороллор. Ону тэҥэ быстах кэмҥэ олорорго анаан, МФКЦ дьиэтин бэлэмнээбиттэр. Орон, матараас, ас бородууктата, эмп-том барыта баар дииллэр.
Сэрэххэ, 12 сүөһүнү эрдэттэн бэлэмнэммит, астаах сиргэ көһөрбүттэр. Уу эбиллэр түбэлтэтигэр өссө биир 6 кыбартыыралаах, уон киһи олорор дьиэтигэр уу киириэн сөп диэн сабаҕалыыллар. Балаһыанньа хонтуруолланар. Солоҕон нэһилиэнньэтин дьаһалтатынан дьуһуурустуба олохтоммут.
Интэриниэт хаартыската
Сэҥээриилэр
yılda 365 gün biguz ile izleyebilirsiniz.
Cep telefonu.
my web page femdom anne forced rain transeksüel: https://club.bentyl4pro.top/qs829vur1h
see the site, that's what this site is providing.
Stop by my web site - innopran pour une expérience d'achat sans stress: http://barun-dental.co.kr/v2/bbs/board.php?bo_table=free&wr_id=129990