Ыам ыйын 5 күнүгэр күнүс 12.00 ч туругунан, Бүлүү өрүс мууһа уста илик.
Ыам ыйын 1 күнүгэр Кириэстээх аннынан Эбэ мууһа түллэҥнээн баран иһийэн хаалбыта. Ол эрэн, Кириэстээххэ да, Бүлүүчээҥҥэ да муус барбакка турара дьону соһуппат. Хойутаан да барааччы. Кириэстээх метеостанцията биллэрбитинэн, билигин өрүскэ уу таһыма кыра. Оттон Кириэстээхтэн ыраах Сүлдьүкээр аннынан, Бүлүү өрүскэ муус дьуххарбыта ыраатта. Сунтаар улууһугар муус барбакка турара, ГЭС ууну ыытарыттан эмиэ тутулуктаах. Онон, балаһыанньаны кэтиибит.
Станислав Алексеев, Мииринэй куората. Ааптар хаартыската.
