Бэҕэһээ, ыам ыйын 27 күнүгэр Ленскэй улууһун территориятыгар Чернышевскайдааҕы балык собуотун исписэлиистэрэ Өлүөнэ өрүскэ 3 мөл. майаҕас ыамын ыыттылар. Бу туһунан экология министиэристибэтин пресс-сулууспата иһитиннэрэр.
Министиэристибэ суруйарынан, маннык дьаһал сир баайын туһанааччылар хоромньу иһин толуйар төлөбүрдэриттэн сөбүлэҥ быһыытынан ыытыллар. Быйыл министиэристибэ Арассыыйа Кыһыл кинигэтигэр киирбит хатыыс балык популяциятын Өлүөнэҕэ уонна Бүлүүгэ чөлүгэр түһэрэр былааннаах. Маны таһынан, өрөспүүбүлүкэ өрүстэригэр чыыр, муксун, тууччах балыгы ускуустубаннайдык ылан ыытар былааннаахтар.
