Бэс ыйын 1-2 күннэригэр Дьокуускайдааҕы лесничество сибиирдээҕи солколоох үрүмэччи (сибирский шелкопряд) куорат тулатыгар күөх тыаны кэбийбитин бэрэбиэркэлээбиттэр.
Ол түмүгэр манныгы быһаарбыттар:
Мархатааҕы лесничество учаастагын уонна Нам кыраныыссатын алтыһыытыгар харантыыннаах буортулаах үөн – сиббир солколоох үрүмэччитэ көтүбүт. Бу үөн быһа холоон 700 гаа сиргэ ыспыт. Тиит маһы кэбийбит, чинчийии кэмигэр тиит 30 бырыһыана сиэммитэ биллибит Биир маска ортотунан 60-70 үөн олорор.
Шестаковка учаастагыттан Хаҥалас лесничествотын кыраныыссатыгар 1200 гаа сиргэ эмиэ бу үөн булуллубут. Мас 45 бырыһыанын сиэбит. Биир маска ортотунан 110-120 устуука үөн олорсо сылдьар.
“Рослесозащита” ФБТ үлэһиттэрэ бу үөнү суох оҥорууга анал дьаһаллары ыытыахтара. Бу туһунан экология министиэристибэтин пресс-сулууспата иһитиннэрэр.