Войти

Войти

Тымныы Полюһун былдьаһар Верхоянскай куоратыгар хаһааҥҥытааҕар да сатыылаабыт куйаас күннэр бу нэдиэлэҕэ дылы туруохтара. Бу туһунан гидрометеорология саайтыгар суруллар.

«Номнуо иккис нэдиэлэтин Дьааҥы улууһугар аномальнай итии күннэр тураллар, күн ахсын саҥа рекорд бэлиэтэнэр. Маннык куйаас күннэр бу нэдиэлэ бүтүөр дылы туруохтара. Кэлэр нэдиэлэ саҕаланыытыгар бу эргин тропосфернай циклон бүрүйдэҕинэ, 15-20 кыраадыска дылы сөрүүдүйүө», — диэн Дьокуускайдааҕы гидрометеорология сулууспатын начаалынньыга Татьяна Маршалик иһитиннэрэр.

Бэс ыйын 20 күнүгэр Верхоянскай куоратыгар хаһааҥҥытааҕар да куйаас күн турбута – 38 кыраадыс. 1988 сыллаахха Верхоянскайга 37,3 кыраадыс бэлиэтэнэ сылдьыбыт. Маныаха Дьааҥы улууһугар сайынын салгын орто температурата 16-17 кыраадыска халбаҥныыр.

Тарҕат:

Добавить комментарий