Войти

Войти

Нерюнгри улууһугар Чульман өрүһү эмиэ киртиппиттэр. Билигин онно экология министиэристибэтэ административнай дьыаланы көбүтэн бэрэбиэркэни ыытар. Бу туһунан министиэристибэ пресс-сулууспата иһитиннэрэр.

Өрүһү киртиппиттэрин туһунан иһитиннэрии Нерюнгритааҕы экология надзорун судаарыстыбаннай кэмитиэтигэр от ыйын 9 күнүгэр иһитиннэрбиттэр. Сонно тута иниспиэктэктэр саахал тахсыбыт сиригэр барбыттар. Чульман өрүстэн ууну ылан чинчийбиттэр. Чульмаҥҥа түһэр Дежневка үрэхтэн уу анаалыһын хаттаан от ыйын 13 күнүгэр ылбыттар. Омос көрдөххө уу чох быылыттан киртийбит. Билигин буруйдаахтары ирдээн судаарыстыбаннай кэмитиэт, Нерюнгри борокуратуурата, рыбнадзор иниспиэктэрдэ үлэлииллэр.  

Тарҕат:

Добавить комментарий