Войти

Войти

Иирэлээх – оччугуй үрэх. Баара эрэ 112 биэрэстэ усталаах.

Мииринэй куоратыттан, үрэх баранар баһыгар диэри – 74 биэрэстэ. Төрдүгэр - Оччугуй Ботуобуйаҕа түһэр сиригэр диэри 38 биэрэстэ.

Иирэлээх, Маччаха, Ойуур үрэҕэ, Марахалаах үрүйэлэрэ, хотугу алыылар сыккыстара, сис уутун балысханнык киллэрэр эрэ буоланнар, арыый дэбилгэннэнэр.

01

Баһын диэкитэ, от үрэх. Маардары, алыылары “олбохтонон”, 13-с геологическай быыска анныгар диэри сиэннэринэн уу тардар.Иирэлээх дэлэй ууланыытыгар, Улахан Ботуобуйа yрэх эмиэ сабыдыаллаах.

02

Киниэхэ түһэр, Кыра уонна Улахан Чайдаах, Хайалаах үрэхтэрэ Иирэлээх сүлбэтин кытары ууларын үллэстэллэр.

03

04

Кыра-кыра көлүкэлэртэн, эйимнэртэн саҕаланан, тыккыраан, быста-быста салҕанан, Иирэлээх үрэҕэ, Мииринэй аттыгар салааларданан арыый да кэҥиир.

05

Мииринэй куората Иирэлээхтэн иһэр уонна тэхиниичэскэй уутун ылар. Манна анаан, Иреляхский гидроузел диэн баар.

06

Арҕааттан кэлэр ууну даамбанан хаайан, иһэр ууну ылар күөл оҥорбуттара.

07

ПТВС ууну хачайдыыр ыстаансыйатыттан 25 тыһыынча куб. м. уу суукка ахсын куоракка тириэрдиллэр.

Онон, Иирэлээхпит биһигини, Мииринэй олохтоохторун, куруутун абырыы турар. Кинини биһиги араҥаччылыах тустаахпыт.

08

Снимокка: Иирэлээххэ – бүгүн.

Станислав Алексеев. Мииринэй куората.

Ааптар уонна Айылҕаны харыстыыр министиэристибэ пресс-сулууспатын (Быһыт хаартыската) хаартыскалара.

Тарҕат:

Добавить комментарий

Бүтэһик сонуннар