Бүгүҥҥү туругунан Горнай улууһугар турбут ойуур уотун бүтүннүү умуллардылар. Бу туһунан улуус баһылыгын солбуйааччы Алгыс Стручков иһитиннэрбит.
“Нэһилиэнньэҕэ баһаар суоһаабат. Ил Дархан ураты бэлэмнээх буолууга биллэрбит дьаһалын ылыммыппыт. Лесоохрана уонна “Якутсклесресурс” тэрилтэлэри кытары күүскэү үлэлээтибит. Билигин улууска биир да баһаар суох”, - диэн баһылык солбуйааччыта бэлиэтээбит. Маны таһынан, кини нэһилиэнньэни кытары куруук баһаары сэрэтэр үлэ ыытылларын эппит. Билигин булт сезона буолан дьоҥҥо сэрэтии үлэтэ ордук күүһүрдүллүбүт. Чуолаан социальнай ситинэринэн ыыталларын туһунан баһылык солбуйааччыта отчуоттаабыт. Бу туһунан Ил Дархан уонна бырабыыталыстыба дьаһалтатын пресс-сулууспата матырыйаал бэлэмнээн ыыппыт.
