Войти

Войти

Саха сиригэр тыа баһаардарын балаһыанньатын туһунан эрэгийиэннээҕи суһал штаб мунньаҕа буолла.

Бырабыыталыстыба бэрэссэдээтэлин бастакы солбуйааччы Алексей Колодезников балаҕан ыйын 29 күнүттэн өрөспүүбүлүкэҕэ баһаар сезона сабыллыбытын эттэ. Баһаардары умулларыахтаах сирдэргэ уот турбат диэн буолбут.

“Быйыл биһиги баһаардары бохсууга өрөспүүбүлүкэ бүддьүөтүттэн үбүлээһини улаатыннардыбыт. Сезон кэмигэр үлэһиттэри наймылаһарга 89 мөл. солк. көрүллүбүт, оттон үлэһиттэри аһатыы төһө да федеральнай боломуочуа буоллар, биһиги маныаха 14 мөл. солк. көрбүппүт”, - диир тойон Колодезников.

Баһаар сезонун кэмигэр уопсайа 5 мөл. 900 тыһ. гектаар сиргэ уот турбут. Ордук Орто Халыма. Томпо, Муома улуустара эмсэҕэлээбиттэр. Ойууруотун умулларыыга 3 тыһ. тахса киһи мобилизацияламмыт. “Мин ойуур уотун умулларыыга кыттыспыт дьоҥҥо барҕа махталбын биллэриэхпин баҕарабын. Эһиги көмөҕүтүнэн нэһилиэнньэҕэ уонна экэниэмикэ эбийиэктэригэр суоһуул кутталлары кыайдыбыт”, - диэн Алексей Колодезников эппит. Бу туһунан Ил Дархан уонна бырабыыталыстыба дьаһалтатын пресс-сулууспата иһитиннэрэр.

Тарҕат:

Добавить комментарий

Бүтэһик сонуннар