Саха сиригэр бөрө мэнээхтээн, ахсаана улаатан тыа хаһаайыстыбатыгар суоһуурунан, кинилэр ахсааннарын сааһылыахтара. Бу туһунан Айылҕа харыстабылын министиэристибэтэ иһитиннэрэр.
“Кэнники уон сылга Саха сиригэр бөрө ахсаана 3,5 тыһ. тутан турар, билигин кинилэр ахсааннара улаатан иһэр. Ол иһин, кинилэр ахсааннарын сааһылыырга сөптөөх миэрэни ыларга дьаһаныахтаахпыт”, - диэн иһитиннэриигэ этиллэр. Бөрө бас-баттах барыыта ордук киин уонна соҕуруулуу-арҕаа улуустарга бэлиэтэнэр. Ол иһин спутник көмөтүнэн бөрө миграциятын үөрэтэллэр уонна анал мобильнай биригээдэлэри тэрийэллэр. Маны таһынан, Саха сиригэр бөрөнү бултуур дьону реестрын оҥоруохтара уонна кинилэргэ анал үөрэҕи ыытыахтара.
