Ахсынньы аам-даам, 55 кыраадыс тоһуттар тымныылара түһэн турдахтарына, Мэҥэ Хаҥалас Майатыгар кулунчук күн сирин көрдө. Бу туһунан Майа дьаһалтатын инстаграм сирэйигэр суруйбуттар.
Тымныыттан чаҕыйбат саха сылгыта барахсан 60 кыраадыс да тымныыттан улаханнык соһуйбат. Саха сылгыта аан дойдуга бачча тымныыга бэйэтэ булан аһыыр боруода буолар. Кулунчук күн сирин көрүүтэ – олоххо тардыһыы күүһүн туоһута.
