Киирии

Киирии

2009 сыллаахха Мииринэй куоратыттан 12 биэрэстэ тус хоту сытар Оччугуй Ботуобуйа салаатын Чуоналыыр үрэх сүнньүгэр 32,105 гектардаах сиргэ зоопарка арыллыбыта.

Дьон-сэргэ сынньанарыгар анаан-минээн тэрийбиттэрэ. Манна  булт сокуонунан кыккыраччы бобуллубут сирэ. Хойуу тыалаах, мырааннардаах бэрт кэрэ көстүүлээх сиргэ олохтоохтор уонна ыалдьыттар сөбүлээн сылдьаллар. Сугун уонна уулаах отон хойуутук үүнэр ойуурдардаах, кылыгырыы сүүрдэр таас үрэхтэрдээх, быччыкы уонна мунду сэмсиир элгээннэрдээх. Салгына да куораттан букатын атын, киhи дуоhуйар сирэ. Бу диэки урут тайах ньирэйдэнэр систэрэ бааллара. Арыт бу эргин кыыл таба тэлэкэчийэн ааhааччы. Лоп курдук 9 сыл анараа өттүгэр «Саха сирин тыыннаах алмаастара» диэн паарка аhыллыбыта. Манна Саха сирин бырабыыталыстыбата уонна «АЛРОСА» хампаанньа кыттыһан зоопарка тэрийэн тураллар. Онуоха анаан-минээн Таас-Yрэхтэн арыый обургутуйбут овцебыктары олохсуппуттара. Ол кэмтэн ыла, бу вольердаах сири зоопаркаттан атыннык ааттаабаттар.     

ykutia priroda     

Манна уонча овцебык кыылларга эбии икки кулааhай, Приморье табата («Пятнистый олень»), биир як, тайах, дьиэ табата, эhэ, бэл, павлин баар. «Саха сирин тыыннаах алмаастара» паарка маассабайдык сынньанар сирдэри – Чуоналыыр элгээнин, үрүйэтин, «Алмазная долина» хайыhар базатын кытары сэргэстэhэ сытар. Мииринэй куораты эргиччи хаhыллыбыт сир, карьердар, сыбаалкалар, бырамыысыланнас эбийиэктэрэ тулалыыллар. Инньэ гынан, куорат дьоно айылҕаҕа тахсан сынньанарыгар паарка тэриллибитэ саамай сөптөөх быһаарыныы этэ. Ол эрээри, эмискэччи алдьархай кэллэ.

 резерват Пилька

Бу кэрэ бэйэлээх сиргэ Мииринэй оройуонугар хаhаайынныыр 9 ньиэп-гаас тэрилтэлэриттэн хаһа да суудайан, дураһыйан эрэр.

Манна углеводород сырьетын хостуурга туһуламмыт геологическай чинчийиини («Геологическая экспло-разведка») ыытар былааннаахтар.Сырье баар түгэнигэр итиэннэ былаас «добро» биэрдэ да, манна бырамыысыланнай учаастак тэриллэр кутталлаах. Дьэ, оннук буолар түбэлтэтигэр, биhиги – мииринэйдэр, баар-суох кэрэ-бэлиэ туристыыр сирбититтэн матабыт.

muskox02 400

image037

mirninskiy park zhivyie almazyi yakutii preobrazhaetsya

57 big

ќhн вгаЁбв а е аЎлв бЈгйҐ Є ал Єлв ал

Оттон Мииринэйи иhэр уунан хааччыйар Иирэлээх үрэх эмиэ уолан хаалар түбэлтэтигэр абыраллаах саппаас – Чуоналыыр элгээнин уута хайдах буолар?

2013 сыллаахха Чуоналыыртан Иирэлээххэ ууну турбанан хачайдаан быыhаммыттарын мииринэйдэр бэлиэр умуннулар дуо? Онтубут эмиэ ньиэп-гаас бырамыысыланнай учаастактар адьас «хоннохторугар» түбэhэр кутталланна дии. Ону толкуйдуу да барбатылар! Былаастар «Саха сирин тыыннаах алмаастара» паарканы атын сиргэ көhөрөн илдьэригэр уопсастыбаннастан хайаан да ыйытыан наада. Мииринэйтэн Ленскэй диэки (35 биэрэстэ), эбэтэр Чернышевскай диэки (70 биэрэстэ) зоопарк турар сирин уларытар былааны ырыттах буолаллар. Аны, оччо ыраах кэлэр-барар ороскуоту ким толуйар? Дьэ, уонна «хайыhардаабыт» зоопарка диэки, ким мииринэйдэртэн сынньана барыаҕай?

Аны паарка билигин турар сириттэн ордук экологиялаах сир баар дуо? Суох. Бу күннэргэ муниципалитекка буолбут мунньахха олохтоох эколог Андрей Иванов, «Саха сирин тыыннаах алмаастара» паарка дириэктэрэ Сергей Симонов, уо.д.а. бэйэлэрин этиилэрин, модьуйууларын былааска тириэрдэ сатаатылар. Былаас ону ылыныа дуо?

Станислав Алексеев, Мииринэй куорат.

Тарҕат:

Комментарии

Олохтоох
+16 Олохтоох 20.04.2018 14:23
Дьэ кырдьык ыарахан балаhыанньа буолбут! :cry: :cry:
Ответить
Мииринэй олохтоох
+18 Мииринэй олохтоох 20.04.2018 14:40
Чуоналыр тердyттэн ити бастакы фото5а баар yрэхтэн уу ылар сирбит этэ эбээт табаарыстар. Запасной источник воды. Трубопроводынан Иреляхскай гидроузелга тарпыппыт. Онно нефтэр скважина туруордахтарына сири иэдэтэллэр. Yрэхтэр нефть кирэ буолуохтара, шлам амбаарыттан хиимийэ эттиктэрэ тыабыт yрyйэтигэр киириэ.
Ответить
Сааба
+18 Сааба 20.04.2018 18:15
Былаас ону допускаайдыыр буо. Билбэккэ дылы.
Ответить
Геолог
+14 Геолог 21.04.2018 09:41
Миирнэй сахалара бааргыт дуо? Нефть гаас кердуур компаниялар, аны эhиги иhэр уугутун ылар Ирелях yрэххитин исследуйдуу сылдьаллар. Оччозо хантан уу ылазыт.? Куорат сабыллар дуу?
Ответить
Барча
+14 Барча 21.04.2018 12:22
Саха нуучча диэн арахсыбакка хаалан олохсуйар дьону эбии тардан утары эрдэттэн притензия суруйан ыытыц.Билигин корор орган эрэ элбэх суут-сокуон эмиэ.Эдэр ыччаты улахан кл.о5олорун.Сунтаар Оленек Булуу улуустарын.Улэтэ ыытыц.
Тойотторго эрэл суох.Барытын туран биэрэ олороллор.
Ответить
Табалаах этим
+14 Табалаах этим 21.04.2018 15:33
Барча саамай сепке эппит. Акаарыларга курдук сыhыаннаhаллар.
Пртензия суруйуохха наада.
Ответить
Ленскэй уола
+11 Ленскэй уола 22.04.2018 13:15
Урут бултуур-балыктыыр сирдэрбитин былдьаттыбыт. Онно биhигини паддежжкалаабатах республикабыт тойотторугар хомолтобун этинэбин.
Ответить
Местный
+8 Местный 23.04.2018 16:48
Такие дела без публичных слушаний не делаются. Поэтому активность нужно проявить там, и дружно проголосовать против. Иреляхская нефть по качеству очень плохая, она не стоит судьбы природного парка
Ответить

Защитный код Обновить