Күнү-дьылы кэтээн көрөөччүлэр өрөспүүбүлүкэ сорох улуустарыгар муус устар 7-8 күннэригэр инчэҕэй хаар уонна ардах түһүө диэн сылыктыыллар.
"Муус устар 7 күнүгэр түүнүн сөҥүү түһэрэ күүтүллүбэт, күнүс Мииринэй, Ленскэй, Өлүөхүмэ улуустарыгар уонна Бүлүү сүнньүгэр инчэҕэй хаар түһэрэ күүтүллэр, кыра тыаллаах буолуоҕа", - диэн ЯГУМС иһитиннэрэр. Арҕаа, соҕуруу, Өлүөнэ алын тардыытынан муус утар 8 күнүгэр кыралаан хаардыаҕа, Бүлүү сүнньүгэр уонна Ленскэй улууһугар - ардахтаах инчэҕэй хаар түһүө. Мииринэй улууһун хоту өттүгэр уонна Өлүөнэ алын тардыытынан тибиилээх, сөкүүндэҕэ 15-18 м. түргэннээх күүстээх тыал түһүөҕэ.
