Ыам ыйа ураты сылаас буолуо, диэн иһитиннэрэр Арассыыйатааҕы Айылҕа министиэристибэтин пресс-сулууспата, Росгидромет сабаҕалааһыннарыгар сигэнэн. Ол туһунан иһитиннэрэр ТАСС.
Росгидромет быһыы-майгы киинин салайааччыта Юрий Варакин биллэрэринэн, Уһук Илин эрэгийиэҥҥэ температура бу ыйдааҕы климатическай нуорматыгар толору сөп түбэһиэҕэ: түүнүн ортотунан 5-10 кыраадыс сылаас, күнүһүн 12-15 кыраадыс сылаас туруоҕа.
«Ураты сылаас күн-дьыл Саха сирин үгүс оройуоннарыгар туруоҕа, күнүскү температура ортотунан 10 кыраадыс сылаас буолуоҕа», - диэн иһитиннэрэр метеоролог.
Саха сиринээҕи Гидрометцентр иһитиннэрэринэн муус устар 20 күнүгэр Уус-Майда улууһугар хойуу хаар түһүөҕэ. Ленскэй оройуонугар илинтэн күүскэ тыалырыа сөкүүндэҕэ 15-16 миэтэрэҕэ тиийэ. Дьокуускайга оптуорунньук күн сөҥүү түһэрэ күүтүллүбэт, тыал хотугулуу арҕааттан сөкүүндэҕэ 4-9 миэтэрдээх түргэн үрүөҕэ, күн-дьыл туруга күнүс 1 кыраадыс тымныы эбэтэр 1 кыраадыс сылаас буолара күүтүллэр.
