Мэҥэ Хаҥаласка ЯТЭК метанол собуотун тута сатаабыт бырайыага тохтотулунна.
Бу туһунан бүгүн Бырабыыталыстыба бэрэссэдээтэлин бастакы солбуйааччыта Михаил Осипов эттэ.“Бырайыагы олоххо киллэрии тохтотуллан турар. Оччотугар хайа инвестор ылса сатыаҕай?”, — диэтэ Осипов.
Санатар буоллахха, ЯТЭК СӨ Бырабыыталыстыбатыгар уонна Мэҥэ Хаҥалас дьаһалтатыгар Дьокуускайдааҕы гааһы переработкалыыр комплекс тутулуннаҕына тулалыыр эйгэҕэ хайдах дьайарын туһунан сыанабылы (ОВОС) киллэрбитэ. Маныаха Мэҥэ Хаҥалас улууһун олохтоохторо собуот тутуутун утарсыбыттара.
