Өлүөнэ өрүскэ Ленскэй уонна Өлүөхүмэ оройуоннарынан эргин өрүс уста сытар, диэн иһитиннэрэр Саха сирин УГМС сулууспата.
Муус барыытын алын кирбиитэ Табаҕа бөһүөлэгин гидропоһун анныгар тиийдэ, Дьокуускайга 30 км чугаһаата.
«Ыам ыйын 17 күнүгэр, үгүс сыллааҕы болдьохторго чугаһыыр өрүс эстиитэ Бокуруоскай – Табаҕа икки ардынан саҕаланна. Уу таһыма нуормаҕа эппиэттэһэр», - диэн этиллэр иһитиннэриигэ.
Билигин Табаҕа бөһүөлэгэр инчэҕэй хаар түһэ турар.
Дьокуускай – Хаҥалас тумуһа өрүс учаастагар сууккатааҕы уу таһымын үрдээһинэ 50-100 см көрдөрөр. Муус хамсааһына бэлиэтэнэр, бүгүн муус барыыта күүтүллэр, сылын ахсын барар болдьохтор нуормаларыгар чугас.
Ыам ыйын 19-24 күннэригэр, нуормаҕа эппиэттэһэр болдьохторго өрүс эстиитэ Өлүөнэ өрүс алын тардыытынан Сангаар – Эдьигээн учаастагар күүтүллэр.
