Авиалесоохрана суһал дааннайдара кэпсииллэринэн, Саха сиригэр 67 ойуур уота күүдэпчилэнэр.
Суука устатыгар 9 баһаары умулларбыттар. Бу туһунан ЫБММ Саха сиринээҕи сүрүннүүр управлениета иһитиннэрэр. Ордук ыарахан балаһыанньа Үөһээ Бүлүү, Кэбээйи, Ньурба, Өлүөхүмэ, Өймөкөөн, Томпо уонна Сунтаар улуустарыгар бэлиэтэнэр. Онно уопсайа 44 тыһ. гаа сиргэ 39 баһаар бэлиэтэнэр. Ордук хонтуруолга Ньурбачаан, Ороссолуода, Араҥастаах, Маар, Ударник уонна Белькачи сэлиэннэлэр аттыларыгар умайар уоту тутуллар. Балаһыанньа хаахтыйар түгэнигэр 90 киһилээх аэромобильнай бөлөх көмөҕө барарга бэлэм олорор. Суукка устатыгар 16 баһаар эбиллибит, иэнэ — 5 тыһ. тахса гаа. 12 улууска куйаастарынан, чаҕылҕаннарынан сибээстээн баһаар буолара сылыктанар. Баһаардары умулларыыга 1611 киһи уонна 182 тиэхиньикэ үлэлээбит. Ньурба улууһугар ЫБММ авиацията туһаныллыбыт, бэҕэһээ 17 төгүл төхтүрүйэн 135 туонна ууну куппут.
