Киирии

Киирии

Быйыл Саха сиригэр тыа баһаарыттан сэрэхтээх буолуу сезона арыый хойутуо. Ол туһунан “Якутия 24” ханаалыгар Өрөспүүбүлүкэ бырабыыталыстыбатын I вице-премьерэ, Ыксаллаах быһыыны-майгыны сэрэтэр уонна ол содулун туоратар хамыыһыйа бэрэссэдээтэлэ  А.Колодезников эттэ.

“Баһаартан сэрэхтээх буолуу кэмэ ыам ыйын иккис аҥаарыгар саҕаланыа. Билиҥҥи кэмҥэ тыа өссө да хаардаах турар, онон сир сииктээх”, – диэн кини быһаарар.

Манна даҕатан эттэххэ, хаар ууллуута уонна сөҥүү түһүүтэ хайдаҕыттан тутулуктанан, үгэс курдук, Саха сиригэр тыа баһаарыттан сэрэхтээх буолуу муус устар бүтүүтэ – ыам ыйын саҕаланыыта саҕаланар. Былырыын ыам ыйын 2 күнүттэн саҕаламмыта.

Саха сиринээҕи Гидрометеорология уонна тулалыыр эйгэ мониторинын управлениета сабаҕалыырынан ыам ыйа – кураанах, бэс-от ыйдарыгар итии күн-дьыл туруо. Бэс-от ыйдарыгар, эрэгийиэн килиимэтиттэн тутулуктанан, ойуур уоттара туруохтарын сөп.

Онон муниципальнай оройуоннар баһылыктара бэйэлэрин сирдэригэр Ыксаллаах быһыы-майгы хамыыһыйатын салайарга сорудахтаннылар, тус эппиэтинэс кытаатта.

Судаарыстыба баһаары утары сулууспатын уонна Ыксаллаах быһыыны-майгыны сэрэтэр уонна ол содулун туоратар хамыыһыйа сүрүн соруктара уоттан нэһилиэнньэлээх пууннары харыстааһын.

СӨ Ил Дарханын уонна Бырабыыталыстыба пресс-сулууспата

Тарҕат:

Ырытыыгын суруй

Защитный код
Обновить

Бүтэһик сонуннар