Амма сэлиэнньэтигэр 21 дьиэ ууга былдьанна. Бу туһунан Амма улууһун Биир кэлим дьуһуурунай-диспиэччэр сулууспата иһитиннэрэр.
Күнүс 14 ч. туругунан, улуус киинигэр 21 дьиэ уонна 25 тэлгэһэ ууга олорор. Уопсайа 50 киһи, ол иһигэр 16 оҕо эвакуацияламмыт.
Күнү-дьылы кэтээн көрөр сулууспа сылыктыырынан, Амма өрүскэ уу таһыма балтараа миэтэрэҕэ диэри үрдүөн сөп. Амма сэлиэнньэтигэр дьон быстах кэмҥэ хорҕойор пууна тэриллибит.
