Киирии

Киирии

Өлүөнэ өрүс мууһа Хаҥалас улууһугар уонна куорат эргин устар. Бу туһунан ЫБММ Саха сиринээҕи сүрүннүүр Управлениета иһитиннэрэр.

Муус алын кытыыта куорат Табаҕатын аннынан устар, уу таһыма 866 см (кутталлаах таһым – 970 см), муус хойуутук устар.

Үөһээ кытыыта Хаҥалас Иһитин аннынан бэлиэтэнэр. Онно уу таһыма 697 см (кутталлаах таһым – 1 100 см), муус кыралаан устар. Муус тайааһына 290 км. Суукка устата 93 км устубут.

Алдан өрүс Томпо уонна Уус Майда улуустарынан устар.

Муус алын кытыыта Томпо Кириэс Халдьаайытынан устар. Уу таһыма 565 см (кутталлаах таһым – 1088 см), хойуутук устар.

Үөһээ кытыыта Уус Майда бөһүөлэгинэн устар, онно уу таһыма 1109 см (кутталлаах таһым – 1300 см), хойуутук устар.

Муус тайааһына 476 км. Суукка устата 323 км устубут. Уус Майда улууһугар сааскы халааҥҥа Эдьээн, Эльдикан уонна Күп бөһүөлэктэрэ ылларбыттар. Улууска 677 уһаайба ууга олорор, онно 1316 киһи, ол иһигэр 390 оҕо олорор. Уопсайа 291 олорор дьиэ (672 киһи олорор, ол иһигэр 193 оҕо) ууга былдьаммыт. Эльдикан оскуолатыгар уонна Эдьээн “Кэнчээри” оҕо саадыгар 26 киһи (11 оҕо) эвакуацияламмыт.

Амма өрүс Чурапчы уонна Таатта улуустарыгар устар. Муус алын кытыыта Таатта Чымнаайытыгар устар, уу таһыма 1276 см (даамбаны учуоттаан туран кутталлаах кээмэйэ 1350 см). Муус чараастык устар.

Үөһээ кытыыта Мындаҕаайы нэһилиэгэр бэлиэтэнэр. Уу таһыма 1316 см (муҥутуур таһыма – 1350 см). Муус тайааһына 180 км. Суукка устата 95 км устубут.

Амма улууһугар ууга олорор нэһилиэнньэлээх пуун суох.

Бүлүү өрүс Ньурба уонна Бүлүү улуустарынан устар. Муус аллараа кытыыта Бүлүү куоракка бэлиэтэнэр. Онно уу таһыма 681 см (кутталаах кээмэйэ – 990 см). Муус хойуутук устар.

Муус үөһээ кээмэйэ Ньурбаттан 70 км сиргэ бэлиэтэнэр, уу таһыма 707 см (4 чаас иһигэр 7 см түспүт, суукка устата – 41 см, кутталлаах таһыма – 980 см). Муус тайааһына 168 км, суукка устата 108 км устубут.

Тарҕат:

Ырытыыгын суруй

Защитный код
Обновить

Бүтэһик сонуннар