Cангаар бөһүөлэгэр уу таһыма историческай кирбиини куоһарбыт. Бу туһунан Кэбээйи улууһун баһылыга Игнат Спиридонов бүгүҥҥү ыксаллаах быһыы-майгы хамыыһыйатын мунньаҕар иһитиннэрдэ.
“Сангаар уу тулатыгар турар. Уу таһыма 1998 сыллааҕы историческай кирбиини куоһарда. Бөһүөлэк киинигэр быһыты бөҕөргөтөллөр, үлэ салҕанан барар. Бөһүөлэк дьонун барыларын көһөрдүлэр. Суһал бөлөх кыайа-хото үлэлиир”, — диэн улуус баһылыга иһитиннэрэр.
Кини этэринэн, Сангаар аннынан уу таһыма кутталлаах кирбиини 57 см аһара барбыт. Бөһүөлэккэ 38 уһаайба ууга барбыт, икки чаас иһигэр уу таһыма 2 см үрдээбит. Гидропост тимирбит. Арҕас сэлиэнньэтигэр 10 уһаайбаны уу ылбыт.
