Киирии

Киирии

Мииринэйи уонна даачалары араарар үрүйэни «Безымянный ручей» диэн куорат олохтоохторо ааттыыллар. Оттон Кыра тайахтаах диэн былыргы аатын билэр ахсааннаах. Бу – Иирэлээх үрэх салаата. 70-с сылларга материктан кэлбит геодезист-картографтар улахаҥҥа уурбакка «Безымянный ручей» диэн аатынан докумуоннаан кэбиспиттэр.

Саас үрүйэ халааннаан “муораҕа” кубулуйар. Киhи тэпсэн туораабат үлүгэрэ буолааччы.Үрүйэ эмиэ салаалаах. Биир салаата Мииринэй куорат кытыы кыбаартала буолан хаалбыт.

Yрyйэ халаанныыра, уолара – биллэр суол. Оттон Мииринэй куорат олохтоохторо бу быыкайкаан үрүччэни хайдахтаах курдук киртитэллэрэ – атын кэпсээн. Даачаларга тыhыынчанан киhи сайылыыр. Кыhыннары да олорооччулар бааллар. Олортон ордук чанчарыктара, суобаһа суохтара туох баар оргулларын үрүйэ аттыгар тохпуттара эрэ баар буолар. Бары массыынанан сылдьаллар. Онон үрүйэ аттыта сыбаалканы санатар буолла.

mir

Туох баар ымыйбыт кир-хох, арыы-уҥунуох, дьэбин-дьабын үрүйэ уутугар устан, Иирэлээх үрэх диэки суккуллар. Онуоха диэри биэрэстэ эрэ баар. Оттон ол Иирэлээхтэн Мииринэй куорат уу иhэ олорор ээ.

mir1

Сайын Кыра тайахтаах сытыйан-ымыйан амырыын сыттаах буолааччы. Ол-бу тобох-ибэх кута олордохторуна аанньа буолуо дуо?!Ким сыыhырдарын ким да билбэт, ону хонтуруоллаабат даҕаны. Уопсайынан маны ким да уруккуттан дьаалайбат дьалата.

mir2

mir3

Үрэҕи киртитэр муус сүрэхтээхтэри, тоҥ сыhыаннаахтары уодьуганныахха наада. Даачаларга барарга биир эрэ кутуу суол баар. Олору кыйа барар уот кyyрyyтyн остуолбаларыгар видео-кэтэбил туруоран устуталаан, киртитээччилэри эппиэккэ тардыахха баара.

Ол эрэн, итинник боппуруоhунан ыалдьар салайааччы да, дьокутаат да суох курдук.

Станислав Алексеев, Мииринэй куорат. Ааптар хаартыскалара.

Тарҕат:

Комментарии

Владимир
+2 Владимир 06.06.2018 07:14
Дьаабы. Куорат былаастара бэйэлэрин "муннуларын анныгар" сытар сыбаалканы даже хомуйтарбаттар.
Ответить

Защитный код Обновить