Арассыыйа Силиэстийэлиир кэмитиэтин Саха сиринээҕи управлениетын Заполярнайдааҕы оройуоннар икки ардыларынааҕы силиэстийэлиир салаата Усуйаана улууһун Силээннээх национальнай нэһилиэгин урукку баһылыгын утары Арассыыйа ХК 160 ыст. 3 ч. уонна ХК 292 ыст. 2 ч. , ол эбэтэр уоруу уонна сымыйа дуоһунастаах докумуону оҥоруу чахчытынан холуобунай дьыаланы көбүттэ.

Силиэстийэ сабаҕалыырынан, 2013 сыллаахха нэһилиэк дьаһалтатын уонна урбаанньыты кытары Сайылык сэл. иһинээҕи суолун өрөмүөннүүргэ муниципальнай хантараак түһэриллибит. Онуоха урбаанньыт хантараагынан ыйыллыбыт үлэ сороҕотун эрэ оҥорбут уонна баһылыкка 190 тыһ. солк. туттарбыт. “Откааттаан” ылбыт харчытын баһылык бэйэтин тус сыалыгар бараабыт. Инньэ гынан, нэһилиэк хааһынатытыгар балачча хоромньу тахсыбыт.

Санатар буоллахха, Усуйаана оройуоннааҕы суута бу уорбаланар баһылыкка өссө 2016 сыл сэтинньи 3 күнүгэр маныаха майгынныыр буруйу оҥорбутун иһин, 120 тыһ. солк. ыстараабы төлөтөргө уураахтаабыта.

Билигин дьыала салгыы силиэстийэлэнэр. Дьэ, сордоох баһылык буолан биэрдэ.

Тарҕат:

Ырытыыгын суруй

Защитный код
Обновить