Киирии

Киирии

Дьокуускайга массыанньыктар биэнсийэлээх дьону албынныыр саҥа ньымалара бэлиэтэннэ. Бу туһунан СӨ ИДьМ пресс-сулууспата иһитиннэрдэ.

   “Полицияҕа 54 саастаах дьахтартан көрдөһүү киирбит. Кини полиция үлэһитигэр быһаарбытынан, киниэхэ биллибэт дьахтар бэйэтин “биэнсийэни мунньуу чааһыгар үлэлиир идэлээх үлэһиппин” диэн эрийбит. Ол кэннэ эмсэҕэлээбит дьахтар үлэлээбит ыстааһынан 26 тыһ. солк. мунньуу харчылааҕын туһунан “үчүгэй” сонуну иһитиннэрбит. Кини бу харчыны ыларыгар булгуччу регистрацияланыахтааҕын туһунан сымыйа дойҕоҕу ыйаабыт, толору аатын-суолун, баан картатын нүөмэрин, CVV-кодун, ону таһынан, смс иһитиннэриинэн кэлбит коду эмиэ көрдөөбүт. Эмсэҕэлээбит дьахтар барытын этэн биэрбит. Сотору кэминэн кини каартатыттан 27,500 солк. уһуллубутун туһунан смс-иһитиннэрии кэлбит. Эмсэҕэлээбит дьахтар албыннаппытын өйдөөн полицияҕа тыллаабыт”, – диэн пресс-сулууспа иһитиннэрэр.

Тарҕат:

Комментарии

Защитный код Обновить