Киирии

Киирии

Дьокуускайдааҕы епархия Таҥара дьиэтинээҕи суута педофил аҕабыыт Мелетий (Андрей Ткаченко) чыынын быста. Бу туһунан Дьокуускайдааҕы уонна Өлүөнэтэҕи епархия управлениетын пресс-сэкэрэтээрэ, инокиня Евгения (Сенчукова) иһитиннэрэр. Епархия быһаарыныытын Москубатааҕы уонна бүтүн Русьтааҕы патриарх Кириллга номнуо ыыппыттар.

Епархия бу иннинэ апелляция суута быһаарбытын кэннэ биирдэ Мелетий таҥаратааҕы чыынын быһар туһунан боппуруоһу көрүөх буолбута. Ол гынан баран, Владыка Роман эмсэҕэлээбит оҕо дьиэ кэргэнин кытары көрсөн баран, Мелетий чахчы буруйдааҕар саарбахтааһын суох диэн быһаарбыт. Епархия быһаарыытын аны Москубаҕа Кирилл илии баттаан бигэргэтиэхтээх.

Санатар буоллахха, Хаҥалас оройуоннааҕы суута сэтинньи 28 күнүгэр Свято-Иннокентьевскай православнай гимназия урукку дириэктэрин, иеромонах чыыннаах Мелетий таҥараһыты 17 сылга кытаанах эрэсиимнээх холуонньаҕа бириигэбэрдээбитэ. Суукка биллибитинэн, бу таҥараһыт 7 сыл устата сокуоннай саастарын ситэ илик үөрэнээччилэригэр сексуальнай дьайыылары оҥорбут. 87 эпизоду күтүрээбит эбит буоллахтарына, суукка 46-тын дакаастаабыттара. Баачыка буруйун суукка туох да иһин билиммэтэҕэ уонна суут уурааҕын ааһыммыта. Бүтэһик тылыгар “мин сырдык ааппын холуннардылар, ол дьону “кара небесная” күүтэр диэн, хата, суоһурҕаммыта. Кыра оҕолор эмсэҕэлээбит буоланнар, силиэстийэ уонна суут сабыылаах эрэсииминэн барбыта.

Тарҕат:

Комментарии

Защитный код Обновить

Бүтэһик сонуннар