Киирии

Киирии

Тохсунньу 16 күнүгэр Нам улууһугар, “Туллукчаан” оҕо уһуйааныттан киэһэ биэс саастаах кыргыттар бэйэлэрэ таҥнан-симэнэн дьиэлэригэр барбыттар. Ону төрөппүттэрэ оҕолорун ыла кэлбиттэригэр биирдэ билбиттэр.

Евдокия Кутукова, эмсэҕэлээбит кыыс ийэтэ: “Билигин кыыспын кытта Дьокуускайга балыыһаҕа сытабыт. Кыыһым үс тарбаҕын үлүппүт. Ол күн оҕобун эрдэ ылаары биэс чааска уһуйааҥҥа тиийбитим. Оҕом кабинката аһаҕас, таҥаһа суох этэ. Иитээччиттэн ыйыппыппар, “манна баара ээ” диэбитэ. Оттон кыыһым чугас дьүөгэтин кабинкатын тиийэн көрбүтүм эмиэ кураанах этэ. Төрөппүттэригэр эрийбитим тугу да   билбэттэрэ, соһуйбуттара. Оттон эһэбит эрийэн Лена соҕотох дьиэтигэр тиийбитин эппитэ. Ытаан-соҥоон, тоҥмут ахан этэ. Дьиэбэр тиийэн кыыспын Намнааҕы балыыһаҕа илдьибитим. Онтон Дьокуускайга ыыппыттара. Дьүөгэбитин биир чааһынан булбуттара. Мунан атын дьиэҕэ киирбит этэ. Хата, тугун да үлүппэтэх. Кыргыттар биһигини үөрдээри дьиэлэригэр бэйэлэрэ барбыттар. Эрдэ маннык бэйэлэрэ бара иликтэрэ. Уһуйааҥҥа икки саастарыттан сылдьаллар. Лена сиэбиттэн үтүлүгүн хостоон кэппэтэх. Сонун сиэҕэ уһун буолан абыраабыт. Дьиэбит уһуйаантан улахан киһи хаамыытынан 15 мүнүүтэ тэйиччи турар. Уһуйааҥҥа 50 оҕо сылдьар, дьиэтэ кыра. Оҕолор сүппүттэрин хайдах өйдөөн көрбөтөхтөрүн сатаан санаабаппын. Миэрэ ыларга эрэннэрбиттэрэ”.

Лена аҕата бу түбэлтэни социальнай ситимҥэ таһаарбыт. Уһуйааҥҥа буолбут түгэни бигэргэппиттэр.

Тарҕат:

Комментарии

Защитный код Обновить