Суотабай төлөпүөн маҕаһыыныгар менеджеринэн үлэлээбит кэргэнниилэр 2 мөл солк курдук харчыны уоран сууттаннылар. Бу туһунан СӨ Борокуратууратын пресс-сулууспата иһитиннэрдэ.
Эр киһи харчыны дьаһайар кыаҕын туһанан, төлөбүр ылбыт курдук 37 сымыйа эпэрээссийэни оҥорбут. Оннук гынан 361 тыһ солк уорбут. Ол харчыны интэриниэккэ успуорт уксууларыгар сүүйтэрбит. Ону төнүннэрээри аны кэргэнин харчы уоруутугар сыһыарбыт. Оннук иккиэн 100 тахса сымыйа эпэрээссийэни оҥорон 1 мөл 306 тыһ солк уорбуттар. Ону таһынан, каассаттан кыралаан харчы ыла сылдьыбыттар. Ол 285 тыһ солк буолбут. Хоромньу уопсай суумата 1 мөл 952 тыһ солк тэҥнэспит.
