Дьокуускай куорат олохтооҕор, 28 саастаах кыыска холуобунай дьыала тэрилиннэ. Кини саҥа төрөөбүт оҕотун атыылаабыт. Бу туһунан оптуорунньукка Арассыыйа СУ СК СМИни кытта үлэҕэ салайааччы көмөлөһөөччүтэ Надежда Дворецкая иһитиннэрдэ.
Силиэстийэ көрдөрөрүнэн, 2017 сыл бэс ыйыгар уорбаланааччы дьахтар Перинатальнай киин аттыгар оҕото суох билэр дьахтарын кытта көрсүбүт. Киниэхэ саҥа төрөөбүт кыыһын 300 тыһ солк атыылаабыт.
Холуобунай дьыалаҕа дакаастабыл көрдүүллэр. Силиэстийэлээһин салҕанар.
