Дьокуускайга маҕаһыын ыскылаатыттан тоҕус “iPhone” төлөпүөн уоруллубут. Хоромньу уопсай суумата 800 000 солк.
Силиэстийэ түмүгүнэн уорбаланааччы биллибит. Кини 23 саастаах эр киһи, бу маҕаһыыҥҥа менеджеринэн үлэлээбит. Ыскылаакка көҥүл киирэр кыаҕын туһанан араас кэмҥэ төлөпүөннэри уорбут. Уонна чэпчэки сыанаҕа атыылаабыт. Киллэрбит 200 тыһ солк туттубут. “Уоруу” ыстатыйанан холуобунай дьыала тэриллибит.
