Кэбээйи улууһугар тибиллибит суолга хаайтарбыт 17 киһини 1 №-дээх баһаарынай чаас оперативнай бөлөҕө быыһаата. Бу туһунан өрөспүүбүлүкэтээҕи судаарыстыбаннай баһаары тохтотор сулууспа пресс-сулууспата иһитиннэрэр.
“Муус устар 11 күнүгэр 22:00 чаас саҕана Сангаартан 18 км тэйиччи сытар Бойкино диэн сиргэ, кыһыҥҥы суолга тибиигэ түөрт массыына хаайтарбытын туһунан иһитиннэрии киирбит. Быһылаан буолбут сиригэр баһаарынай чаас оперативнай бөлөҕө тиийэн 17 киһини уонна түөрт тиэхиньикэни быыһаата”, — диэн биэдэмистибэ иһитиннэрэр.
