От ыйын 10 күнүгэр Арассыыйа Биэнсийэҕэ Пуондатын салайааччытын солбуйааччы Алексей Иванов улахан бэриги ылан уорбаланан тутуллубуа. Интерфакс иһитиннэрэринэн, билигин Алексей Иванов Москуба куоратын Хотугулуу Илиҥҥи административнай уокуругун быстах кэмҥэ сытар изоляторыгар икки миэстэлээх камераҕа сытар. Бу туһунан Москуба Уопсастыбаннай норуодунай хонтуруолун (ОНК) сэкэрэтээрэ Иван Мельников иһитиннэрбит.
“ИВСка Алексей Иванов сытарын бэрэбиэркэ кэмигэр биллибит. Кинини от ыйын 12 күнүгэр суут салгыы хаайарын дуу, хаайбатын дуу туһунан быһаарыаҕа. Иванов сытар хаайыытыгар усулуобуйа баар дир, тугу да үҥсэргээбэтэ. Алексей Иванов бэриги ылбытын билинэр уонна кэмсинэрин биллэрэр, итиэннэ Биэнсийэ Пуондатын салайааччытын солбуйааччытыттан астаапкаҕа барарын туһунан сайабылыанньа суруйда”, - диир Мельников.
Санатар буоллаха, Иванову от ыйын 10 күнүгэр хаайбыттара, бэнидиэнньиккэ хас да аадырыһынан дьэҥдьиир буолбута. Чуолаан, “Техносерв” уонна “Редсис” тэрилтэлэри дьэҥдьийбиттэрэ.
“Иванов Биэнсийэ Пуондатыгар IT эйгэттэн кэлбит киһи. Онно электроннай сервистэри олоххо киллэриинэн быһаччы дьарыктаммыта. Онуоха 1 млрд солк. тахса үп көрүллүбүтэ”, - диэн Интерфакс иһитиннэрэр.
